WEDNESDAY

22nd Aug 2018

GET MY HOROSCOPE

app
Download
【連載:乃木坂46西野七瀨之nanase-self】-音樂
22.04.2018

由鍾意嘅歌曲到對歌曲嘅想法,訴NO MUSIC, NO LIFE嘅生活。

 

#「音樂」

廚房、客廳、浴室……等等。

經常帶住擴音器一齊屋企移動

T-shirt/EMODA LUMINE EST新宿店 (EMODA x Champion) 

Skirt/REDYAZEL LUMINE EST新宿店 

Earrings/Osewaya (Osewaya) 

Socks/Tabio (KUTSUSHITAYA) 

Sneakers/Stylist’s own


最愛嘅動畫角色曾經係我嘅偶像!

聽音樂嘅時候會覺得被治癒,會情緒高漲。音樂對我嚟講,係不可或缺嘅存在。如果要為身邊嘅分優次,音樂會幾靠上嘅位置。一搭車或者搭新幹線,我第一件事就係由手袋裡面拎出耳機嚟戴。有時候,我會插住耳機但唔開音樂,戴耳機已經不知不覺間變成我嘅日常舉動(笑)。假期屋企休息嘅時候,音樂係必需品。用藍芽連接手機同擴音器,煮飯嘅時候就會帶去廚房,打掃嘅時候會喺屋企中心,因為佢有防水功能所以夜晚沖涼時又會帶埋佢入浴室……我真係經常帶住擴音器一齊活動。 

佔我嘅歌單最多嘅,大概係SPITZ(スピッツ)嘅歌。最初係因為偶然聽到電視劇嘅片尾曲,所以覺得幾好聽。我係一旦迷上某樣就會不斷深挖落去嘅人,唔單止音樂係咁,對其他都係。所以我首先由買SPITZBest album開始,之後再逐少逐少咁集齊其他。

我記得小學個陣,曾經下載過流行歌嚟聽。我當時超鍾意「哈姆太郎(とっとこハム太郎)」呢本漫畫,由佢開始連載個陣就有睇。嗰時,動畫版開始播出,電影版亦都上映咗……。喺電影裡面出現嘅插曲係由偶像團體唱嘅,以此為契機,我喜歡上Minimoni (ミニモニ。)。我亦都將「哈姆太郎」全系列嘅遊戲爆晒機!最近突然想玩返個遊戲,所以而家向媽媽確認緊老家仲有冇留低部遊戲機(笑)。 

本身講緊音樂,但不知不覺間話題又轉移咗去遊戲度(笑)。當時音樂佔我生活嘅比例其實並唔係特別高。但去到中學,隨住往返學校或者補習社嘅時間變長,聽音樂嘅時間因此增加。我每日都會帶住父母送俾我嘅便携音樂播放器嚟聽音樂,裡面入嘅歌都係哥哥唔要嘅Album度提取出嚟嘅,譬如有RADWIMPSBUMP OF CHICKEN嘅歌。我中學同高中時代一直都係用同一部音樂播放器。真係好懷念!加入乃木坂46之後,我聽嘅音樂變得更多。因為,唔需要工作嘅日子,我多數都係喺屋企一個人度過。如果經常出去玩嘅話,可能情況就唔一樣喇(笑)。


挑戰唱Solo曲之後,我對歌嘅睇法改變咗

從小我就鍾意唱歌。譬如我會喺街上一路行一路哼歌,喺屋企播歌然後跟住唱等等,完全係自我滿足(笑)。我亦都好鍾意卡拉OK,中學嗰陣會同朋友或者家人一齊去,唱Tommy february6嘅歌。前排,時隔幾年同成員去唱K。令我再次感受到「揸住枝Mic唱自己鍾意嘅歌,原來係咁暢快嘅事!」,當時真係好開心。

對唱歌嘅意識有所改變,係得到個人Solo曲之後嘅事。歌唱力並唔出色嘅我,可以喺演唱會上首次表演我嘅Solo曲,同時一個人獨佔一首歌嘅時間。最初,我覺得好抱歉……但係,既然得到機會,就要出盡全力,所以同聲樂老師一齊加倍練習。無論係Solo曲,定係乃木坂46嘅歌,我都會用我自己嘅方法努力喺舞台上表演。今後秉持呢種心情,希望將我哋嘅音樂帶俾更多人。


為配合主題,「Doiya-san」識七十二變!

本月之nanase-sense

今次拍攝,係我第一次用手直接拎唱片……令我回想起以前喺店裡面見到嘅點唱機!


Doiya-san=鍾意嘅音樂類型係治癒系音樂。聽到自然嘅聲音,心靈就會被療癒。


Model/西野七瀨 Photo/熊木優 (io) Hair & Make up/KITA (Nord) Stylist/松尾由美 Text/吉川由希子 Support/アワビーズ


Load more